ليت كل القلوب اللي تحب بجنون
تعرف ان المحبه جنه في هجير
كل دمعه عزيزه لاجل الغالي تهون
لاجل شوفة الحبايب كل قاسي يسير
لي حبيب احبه والمحبه فنون
كل ماذكره غرامه من غرامه اطير
ماعشقته رياح ولاعشقته سكون
نسمه داعبتني تمتزج مع عبير
فوحها من غرامه تحتويني بهون
كيف مايحتويني حب قلب كبير
ان زعلت وتراخت هامتي والمتون
مد كفه....وطبطب..قالي:مايصير
ابتسامه محبه وارتعاشه جفون
ترسم الكون فرحه من هنا...للاخير
قلت له لاتغيب وقال لي:كيف اكون
قلت:عطني يدينك حس قلب كسير
خايف الحلم يفنى بين هم وظنون
وخايف الياس يحفر قلب صغي
خايف اصحى واشاهد واقعي والمصير
ضمني حيل انا محتاج صدر حنون
مدري وش صار فيني بس ماني بخير
الأربعاء يوليو 14, 2010 2:33 pm